Fancuaya

La etapa

Fancuaya, Yernes y Tameza, en La Vuelta 2022. Esta ye la propuesta del Ayuntamientu de Yernes y Tameza y pola que ta bregando’l so alcalde, Manolo Tamargo. ¿Qué necesita’l conceyu con menos población d’Asturies pa recibir una de les 3 Grandes Vueltes del ciclismu? Los recorríos tienlos, y como otros sitios necesita que’l Principáu apueste por ello pa incluyir Fancuaya nel so acuerdu cola empresa organizadora de la carrera.Darréu voi comentavos la mio propuesta de recorríu d’etapa, cola que yá cuenta l’Ayuntamientu puestu que tamos en contactu (Yernes y Tameza va ser parte del territoriu pel que desarrolle los servicios d’ #ElCamín).

Nun ye la etapa perfecta, nin la meyor, pero sí creo que buena. Pa escoyer la meyor etapa posible habría que cuntar con munchos más factores colos que tovía nun cuntamos, como les etapes del restu la carrera y los llugares qu’agospien la salida d’esta y les etapes precedentes y siguientes. Pero ya puestos, bien podríen diseñase’l restu d’etapes en tornu a esta gran etapa con final en Fancuaya.

FANCUAYA ye una collada a los pies del picu Lloural (o L’Oral, 1247m), una llomba que domina, xunto col Buoi Muortu, la visión de gran parte del conceyu Grau y alrededores. ¿Qué nos ofrez Fancuaya? el pasu a sitios como Brañas Negras y L’Aula Vital, un importante proyectu d’educación ambiental; tenemos tamién a mano un recorríu pelos pueblos deshabitaos de la parroquia San Adrianu y tamién una entrada escelente al puertu Marabiu a través de los puertos de Sograndio y de Banduxu, y por supuestu la entrada a Cuallagar. La subida a Fancuaya creo que nun ye precisamente como titula la prensa nengún L’Angliru, y eso ye lo guapu! Ye una subida que permite los cambios de ritmu y la estratexa d’equipu, pa lo que tenemos que plantegar un recorríu previu adecuáu.

🏁 Vamos cola ETAPA:174 km, 4500m de desnivel positivu (datos aproximaos).
▶️ #Salida na villa de Grau. Nudu principal del Camín Real de La Mesa
🏘️ Pasu per Trubia (Uviéu). Cabecera de los Valles del Trubia.
🚩 #Sprint especial en Villanueva de Santu Adrianu. Conceyu nel que naz la Senda l’Osu, vía verde cola que compartimos recorríu en paralelu hasta Entragu.
🏘️ Pasu per Samartín (Teberga). Primer pasu pela capital tebergana.
#Puertu Ventana. Un puertu de desnivel fácil pero constante, pa salir a Babia (Lleón)
🚩 #Sprint especial en Cabrillanes (Babia). Dando protagonismu na etapa a los nuestros vecinos.
⛰️ #Puertu Somiedu. Subida testimonial dende la vertiente lleonesa, da pasu a un desncesu col qu’entamamos la segund aparte de la etapa.
⛰️ #Puertu San Ḷḷourienzu. Categoría especial empezando a subir ensin calentamientu depués de la baxada per Somiedu.🏘️Pasu per Samartín (Teberga). Segundu pasu pela capital tebergana.
⛰️ #Puertu Marabiu. Un puertu con desniveles irregulares y una zona suave al final. Necesita iguar la carretera, pal ciclismu y pa la vida normal.
⛰️ 🏁#Puertu y META Fancuaya (Yernes y Tameza). Otra vez, ensin un metru llanu ente descensu y ascensu, subida a Yernes dende la ponte con una parte inicial durísima hasta llegar a Yernes, onde va ser pocu’l tiempu pa respirar antes d’encarar la segunda parte la subida a la collada.

¿Qué tenemos nesta etapa?
Una primer parte, de salida a Somiedu, adecuada pa la formación d’una #escapada na que nos equipos que disputen la xeneral puedan meter #gregarios que lleguen con ventaxa a distintos puntos de la parte final. Pero tamién pa quien quiera apostar pol triunfu d’etapa y con opción pa quien dispute la clasificación de la regularidá ganando puntos en Santu Adrianu o en #Babia (anque esta ye una clasificación pola que la organización nun apuesta como debería). A partir de #Somiedu un encadenáu de 3 puertos ensin descansu, empezando por un de los puertos más duros que se puede subir, San Ḷḷourienzu per Somiedu y dos puertos a continuación, #Marabiu y Fancuaya nos que’l trabayu d’equipu puede ser fundamental si puedes cuntar con él nos tramos de descansu que tienen les dos subides.N’otru nivel, puede destacase’l pasu xuntu a la Senda l’Osu, el doble pasu per Samartín de Teberga #Teverga, el rodar per una tierra con munchos llazos colos conceyos asturianos como ye Babia y el discurrir de la mayor parte de la etapa pelos Parques Naturales de Las Ubinas – La Mesa, el de Babia y Ḷḷuna y el de Somiedu, asina como’l Monumentu Natural de Marabiu o el Fayéu de Montegrande, discurriendo por 6 de los conceyos de la comarca del Camín Real de La Mesa.

Si llegasti hasta equí, nun dexes de comentar cómo lo ves!


Puedes atopar esta entrada nel FB: (1) Xurde Llano Montes – Publicaciones | Facebook